📰 Game da Mu – Amsoshi 360

Amsoshi360 reshe ne na amsoshi.com da aka ƙaddamar domin kawo muku labarai da bayanai daga kowane ɓangare na duniya. Mun ƙirƙire shi ne da niyyar samar da sahihan labarai cikin lokaci, tare da tabbatar da cewa mai karatu ya samu cikakken haske kan abubuwan da suke faruwa a kusa da shi da kuma nesa.

Amsoshi 360 na ɗaukar nauyin kawo muku labarai da bayanai daga fannoni daban-daban, ciki har da:

🌍 Labarin Duniya – rahotanni daga ƙasashe da yankuna daban-daban

🏛️ Siyasa – abubuwan da suke faruwa a majalisu, gwamnati, da alaƙar ƙasashen waje

✨ Addini da Al’adu – fahimtar bambance-bambancen addinai da al’adun duniya

⚽ Wasanni – labarai daga wasannin gida da na ƙasashen ƙetare, ciki har da manyan gasannin duniya

💼 Kasuwanci da Tattalin Arziki – cigaba, sauye-sauye, da damarmaki a harkokin kasuwanci

💡 Kimiyya da Fasaha – sabbin ƙirƙire-ƙirƙire, fasahohi, da ci gaban zamani

👥 Rayuwa da Zamantakewa – batutuwa da suka shafi zamantakewa da rayuwar yau da kullum.

🎯 Manufarmu

Manufar Amsoshi 360 ita ce samar da wata gagarumar kafar intanet da za ta riƙa tattaro bayanai da jawabai masu faɗakarwa da ilimantarwa da nishaɗantarwa a cikin harshen Hausa, musamman domin amfanar masu magana da harshen Hausa da kuma harshen Hausan kansa.

Wannan manufa ta dogara a kan maƙasudai kamar haka:

Ƙarfafa harshen Hausa a intanet – ta hanyar samar da labarai, rahotanni, da bayanai masu zurfi cikin Hausa

Ƙirƙirar babban fagen rubutu a Hausa – inda za a tara labarai, bincike, da bayanai daga fannoni daban-daban domin ilimantar da Hausawa da masu sha’awar harshen Hausa

Faɗakarwa da wayar da kai – game da abubuwan da suke faruwa a duniya: siyasa, addini, wasanni, tattalin arziki, kimiyya da fasaha, al’adu da rayuwar yau da kullum

Samar da tarin bayanai cikin harshen Hausa a intanet – domin Hausawa su sami sahihin tushe na karatu da bincike a kan intanet.

🌐 Abin da muke tsayawa a kai

Amsoshi 360 na ɗaukar gaskiya, daidaito, da amana a matsayin ginshiƙai. Muna da burin ganin kowanne mai karatu ya samu cikakken hoto na abin da yake faruwa, ba tare da son rai ko karkatar da labari ba.