.MAKAMIN ƘARE DANGI KO NUKILIYA
Makamin Nuclear ko makamin nukiliya wani abu ne mai tsananin karfi wanda ake ƙirƙira ta hanyar raba ko haɗa atom (nuclear fission ko fusion). Idan aka fitar da wannan makamin, yana sakin ƙarfin makamashi mai yawa da kuma zafi mai yawa, wanda zai lalata komai a kusa, ya haifar da guba ta hanyar "radiation" da mutuwar mutane da yawa.
.KASASHEN DA SUKA MALLAKI NUCLEAR
A halin yanzu, babu wata ƙasa a Afirka da ke da makamin nukiliya. Ƙasashe tara ne kacal a duniya da aka sani da mallakar irin wannan makaman:
1. Amurka (United States)
2. Rasha (Russia)
3. Birtaniya (United Kingdom)
4. Faransa (France)
5. Sin (China)
6. Indiya (India)
7. Pakistan
8. Koriya ta Arewa (North Korea)
9. Isra'ila (Israel - ba a bayyana ko tana da shi ba a hukumance)
.MATSAYAR AFIRIKA DA KUMA NIJERIYA
Duk ƙasashen Afirka sun amince ba za su mallaki ko ƙirƙiro makamin nukiliya ba, bisa yarjejeniya da ake kira "Pelindaba Treaty".
· Matsayin Najeriya: Najeriya ta rattaba hannu kan wannan yarjejeniya. Najeriya ba ta da makamin nukiliya. Duk ayyukanta na nukiliya don amfanin zaman lafiya ne kawai, kamar:
· Bincike: A Cibiyar Nazarin Nukiliya ta Najeriya (NAEC), musamman a jami'ar Ahmadu Bello da ke Zaria.
· Magani: Yin amfani da radiyo don magance cututtuka irin su cancer (cuta).
· Noma da Wutar Lantarki: Neman hanyoyin amfani da ita don haɓaka amfanin gona da samar da wutar lantarki.
Makamin nukiliya" makami ne mai halakar da ba a samunsa a Afirka. Najeriya tana amfani da fasahar nukiliya don ilimi, magani, da ci gaba, ba don yaƙi ba.
.MUSANTA ZARGIN NIJERIYA A KAN MALLAKAR NUCLEAR
Kamar yadda ATP Hausa ta wallafa, Jami'ar ABU Zaria, ta nesanta kanta daga zargin ƙera makamin Nukiliya.
Cikin wani Faifan video dake yawo a kafafen sada zumunta, ya bayyana cewa ana ƙera makamin nukiliya a sirance a jami'ar.
Sai dai wata sanarwa daga jami'ar ta nesanta kanta daga Faifan videon tare da bayyana cewa babu wani makamin nukiliya da ake haɗawa a jami'ar.