TINUBU YA MIKA SUNAYEN SABBIN JAKADU 32 GA MAJALISA

Shugaban kasa Bola Ahmed Tinubu ya mika sunayen mutane 32 da ya zaba a matsayin jakadu zuwa Majalisar Dattawa domin tantancewa da amincewa.

A cewar wata sanarwa da Mai Bawa Shugaban Kasa Shawara kan Harkokin Bayani da Tsara Dabaru, Bayo Onanuga, ya fitar a ranar Asabar, jerin sunayen sun haɗa da jakadu 17 na siyasa da jakadu 15 na ƙwararru, waɗanda za a tura zuwa ƙasashe da kungiyoyin duniya masu muhimmanci ga harkokin diflomasiyyar Najeriya.

Sunayen da suka fito fili sun haɗa da:

• Barrister Ogbonnaya Kalu (Abia)

• Reno Omokri (Delta) – Tsohon hadimin tsohon Shugaba Goodluck Jonathan

• Farfesa Mahmood Yakubu (Bauchi) – Tsohon Shugaban INEC

• Erelu Bisi Angela Adebayo (Ekiti) – Tsohuwar Matar Gwamnan Ekiti

• Ifeanyi Ugwuanyi (Enugu) – Tsohon Gwamnan Jihar Enugu

• Tasiu Musa Maigari (Katsina) – Tsohon Kakakin Majalisar Dokokin Katsina

• Yakubu N. Gambo (Plateau) – Tsohon Kwamishina, kuma tsohon Mataimakin Sakataren Hukumar UBEC

• Farfesa Nora Ladi Daduut (Plateau) – Tsohuwar Sanata

• Otunba Femi Pedro (Lagos) – Tsohon Mataimakin Gwamna

• Chief Femi Fani-Kayode (Osun) – Tsohon Ministan Sufuri

• Barr. Nkechi Linda Ufochukwu (Anambra) – Lauya

• Fatima Florence Ajimobi (Oyo) – Tsohuwar Matar Gwamnan Oyo

• Lola Akande (Lagos) – Tsohuwar Kwamishina

• Grace Bent (Adamawa) – Tsohuwar Sanata

• Dr. Victor Okezie Ikpeazu (Abia) – Tsohon Gwamnan Abia

• Sanata Jimoh Ibrahim (Ondo) – Dan kasuwa, tsohon Sanata

• Ambassador Paul Oga Adikwu (Benue) – Tsohon Jakadan Vatican

• Enebechi Monica Okwuchukwu (Abia)

• Yakubu Nyaku Danladi (Taraba)

• Miamuna Ibrahim Besto (Adamawa)

• Musa Musa Abubakar (Kebbi)

• Syndoph Paebi Endoni (Bayelsa)

• Chima Geoffrey Lioma David (Ebonyi)

• Mopelola Adeola-Ibrahim (Ogun)

• Abimbola Samuel Reuben (Ondo)

• Yvonne Ehinosen Odumah (Edo)

• Hamza Mohammed Salau (Niger)

Jakadu masu ƙwarewa sun haɗa da:
Ambassador Shehu Barde (Katsina), Ambassador Ahmed Mohammed Monguno (Borno), Ambassador Muhammad Saidu Dahiru (Kaduna), Ambassador Olatunji Ahmed Sulu Gambari (Kwara), Ambassador Wahab Adekola Akande (Osun).

Ana sa ran za a tura su zuwa muhimman ƙasashe irin su China, India, South Korea, Canada, Mexico, UAE, Qatar, South Africa, da Kenya, tare da wuraren aikace-aikace na din-din-din kamar Majalisar Ɗinkin Duniya (UN), UNESCO da Tarayyar Afirka (AU).

Za a bayyana wuraren da za su tafi aiki ne bayan Majalisar Dattawa ta tantance su ta kuma amince da nadin nasu.