Ƙasashe da dama na yankin Tekun Fasha da ke karɓar sansanonin sojin United States sun zama maƙasudin hare-hare a martanin da Iran ta ƙaddamar. Rahotanni sun nuna cewa hare-haren sun shafi wuraren da ake zargin akwai muhimman kadarorin sojin Amurka.
Daga cikin ƙasashen da lamarin ya shafa akwai Bahrain, inda hedikwatar rundunar ruwa ta biyar ta Amurka (US Fifth Fleet) ke zama. Haka kuma Qatar ta shiga cikin wadanda abin ya shafa, kasancewar tana dauke da sansanin Al Udeid, daya daga cikin manyan sansanonin sojin Amurka a yankin.
Sauran kasashen da aka ambata sun hada da Kuwait da kuma United Arab Emirates, wadanda ke dauke da muhimman sansanonin sojin sama da kayan yaki na Amurka.
Matakin na Iran ya zo ne a matsayin martani ga hare-haren da ta danganta da Amurka da kawarta Israel, lamarin da ya kara dagula yanayin tsaro a yankin. Masana na gargadin cewa irin wannan dauki-ba-dadi na iya kara haddasa tashin hankali a Gabas ta Tsakiya idan ba a samu hanyar diflomasiyya ba.