A lokacin da Boko Haram suka mamaye Gamboru-Ngala, mutane da dama sun yi zaton garin ba zai sake komawa hannun Najeriya ba. Sai wani matashin kwamanda ya ce:
"Ko mu kwato garin, ko mu mutu a ƙoƙarin yin hakan."
Wannan kwamandan shi ne Lt. Col. Muhammad Abu Ali.
Shi ne ya jagoranci 272 Task Force Battalion a sahun gaba wajen kai farmakin da ya karya ƙarfin Boko Haram a Gamboru-Ngala. Ba ya ɓoye a baya yana bada umarni; yana tare da dakarunsa a gaban yaƙi, yana ƙarfafa musu gwiwa har aka sake daga tutar Najeriya a garin.
Jarumtakar da ya nuna ta girgiza rundunar soji.
bayan samun wannan babbar nasara, Babban Hafsan Sojin Ƙasa na lokacin, Lt. Gen. Tukur Yusuf Buratai, ya kai ziyara Gamboru-Ngala da tsakar dare domin taya dakarun murna da kuma yaba musu. A can ne ya sanar da ƙarin girman Muhammad Abu Ali daga Major zuwa Lieutenant Colonel, tare da ba shi lambar yabo ta musamman saboda jarumtakar da ya nuna a fagen daga.
Wannan ba karin girma ne na ofis ba...
Karin girma ne da aka samu da jini, da gumi, da sadaukar da kai a filin yaƙi.
Sai dai a ranar 4 ga Nuwamba, 2016, Muhammad Abu Ali ya sake shiga gaba wajen fafatawa da Boko Haram a Mallam Fatori, inda ya rasu yana yaƙi tare da dakarunsa.
Wasu jarumai suna rayuwa ne domin ƙasa... wasu kuma suna mutuwa domin al'umma ta rayu.
🫡 Allah Ya jiƙan Lt. Col. Muhammad Abu Ali. Za a ci gaba da tuna jarumtarsa har abada.
#MuhammadAbuAli #NigerianArmy #BokoHaram #GamboruNgala #Nigeria