Lashe gasar cin Kofin Duniya ta FIFA ita ce kololuwar nasara a ƙwallon ƙafa ta ƙasashe, amma kaɗan ne daga cikin 'yan wasa da suka cimma wannan gagarumar nasara kafin su cika shekara 21.
Daga fitaccen tsohon ɗan wasan Brazil, Pelé, zuwa matashin tauraron Spain, Lamine Yamal, waɗannan 'yan wasa sun rubuta sunayensu a tarihin ƙwallon ƙafa tun suna ƙanana.
Hukumar Ƙwallon Ƙafa ta Duniya (FIFA) ce ta bayyana hakan a shafinta na yanar gizo a ranar Alhamis.
Ga jerin matasa 20 mafi ƙarancin shekaru da suka taɓa lashe Kofin Duniya ta FIFA:
1. Pelé (Brazil, ɗan gaba) – Shekara 17 da kwanaki 249.
2. Ronaldo (Brazil) – Shekara 17 da kwanaki 298.
3. Giuseppe Bergomi (Italiya) – Shekara 18 da kwanaki 174.
4. Coutinho (Brazil, ɗan gaba) – Shekara 19 da kwanaki 6.
4. Lamine Yamal (Spain, ɗan kai hari daga gefe) – Shekara 19 da kwanaki 6.
6. Marco Antonio (Brazil, mai tsaron baya) – Shekara 19 da kwanaki 135.
7. Pau Cubarsí (Spain, mai tsaron baya na tsakiya) – Shekara 19 da kwanaki 178.
8. Kylian Mbappé (Faransa, ɗan gaba da kuma ɗan kai hari daga gefe) – Shekara 19 da kwanaki 207.
9. Mazzola (Brazil, ɗan gaba) – Shekara 19 da kwanaki 309.
10. Rubén Morán (Uruguay, ɗan kai hari daga gefe) – Shekara 19 da kwanaki 344.
11. Felice Borel (Italiya, ɗan gaba) – Shekara 20 da kwanaki 66.
12. Kaká (Brazil, ɗan wasan tsakiya mai kai hari) – Shekara 20 da kwanaki 69.
13. Matthias Ginter (Jamus) – Shekara 20 da kwanaki 175.
14. Luis Islas (Argentina, mai tsaron gida) – Shekara 20 da kwanaki 189.
15. Clodoaldo (Brazil, ɗan wasan tsakiya) – Shekara 20 da kwanaki 268.
16. David Trezeguet (Faransa, ɗan gaba) – Shekara 20 da kwanaki 270.
17. Julian Draxler (Jamus, ɗan wasan tsakiya) – Shekara 20 da kwanaki 296.
18. Edu (Brazil, ɗan kai hari daga gefe) – Shekara 20 da kwanaki 319.
19. Thierry Henry (Faransa, ɗan gaba da kuma ɗan kai hari daga gefe) – Shekara 20 da kwanaki 329.
20. Uli Biesinger (Yammacin Jamus, ɗan gaba) – Shekara 20 da kwanaki 332.